Regione Emilia Romagna
Stemma dell'Ente
Comune di Polinago
Seguici su
Cerca

La leggenda del Ponte del Diavolo raccontata in dialetto da Antonio Mazzieri

Argomenti
La leggenda del Ponte del Diavolo raccontata in dialetto da Antonio Mazzieri
Descrizione
raccontata in dialetto da Antonio Mazzieri

 

 

Me nona l’am cunteva:  tent an fà,

(te da ster a saver),  un cuntadin

e gheva tra i soo chemp e la so cà

quol  ch’es psiva ciamer un fusadlein

quand l’era sac.  Ma cumal cuminceva

a piover, sia in autun che in primavera,

in un mod tel ast fos e s’ingruseva

che ad pasel, piò en ghera la manera.

E alura ast cuntadein, ch’l’eva da fer

un gir bel long par pser paser dadlà

se vliva la so tera lavurer,

e tacheva a biastmer da fer pietà.

Nà volta, che piò i Sent de Paradis,

e la Madona, e Dio l’urandiva

cun biastamm ch’al fumeven a l’impruvis

es vdé daventi al dievel che ridiva.

Al dievel in cherna ed osa che t’egh fa:

— Me a so, cher e me omm, cusa et’g avree

par paser cumudament ander zà e là...

Un punt, sicura, a me ast voo a pree

fet’l aver a e pin prest, ma a un pat precis:

Quend at mor la to anma a la voi me —

E cuntadin en gh’stè a penser:  decis

e cuntrat e stricheva le par lè.

Al dievel, galantomm ’na nota scura

in cema al spal un gren punt e tulè

par purtel suvra e fos; ma in t’na radura

vers Pracanina, in mez a un castagnè

suquenti  stregh èv deè, che nà manfrina

al fev’n alegri, cun di gren saltin.

Al dievel ès fermò a dèr ’na guardadina

pò e pansò ben ad fer un arpusin.

E pugiò e punt. Al stregh in girotond

cun i soo sèlt an la finiven mai.

Guardandli  al dievel ès gudiva un mond

quend, a un trat es santè canter di gai.

Nemigh ’d la lus ch’la stèva p’r arivèer

cun e sul ’dl’èiba, via che scapò

e e punt, che a e cuntadin l’éva d’andèr,

duve e l’èva pugià e t’al lasò.

E in mèz a i castagnè, in cla radura,

ancora dop tènt an e punt l’è là

e, in arcòrd ad la so infèernel natura

<<Punt dal diével» da tòt e vèn ciamà.



Quanto sono chiare le informazioni su questa pagina?

Grazie, il tuo parere ci aiuterà a migliorare il servizio!

Quali sono stati gli aspetti che hai preferito? 1/2

Dove hai incontrato le maggiori difficoltà? 1/2

Vuoi aggiungere altri dettagli? 2/2

Inserire massimo 200 caratteri